This page has been validated.
32
noe kataradjang njingkir, noe tagěn di doepak roeboeh, si Krama Kartasana, doewanana ěnggěs bidjil, lělěwěngan léngoh hantě mawa harta.
- Katjatoer mas Partasana, poepoet adjal titis toelis, éjar istri noe midangdam, koeringna pada tjarěrik, miloe sědih prihatin, sakabéh tatangga lěmboer, soemawon , nji mas adjěng hantě éling, kapijoehan di rijoeng koe-warga.
- Para ménak gěs ngalajad, para mantri gěs saroemping, tatangga loerah gěs datang, santri- santri gěs ngabaris, kotjap isoekna děi, ki majit ěnggěs di koeboer, nji adjěng doera dijah, manahna sedih prihatin, sarta éling salahna ngagoenggoeng poetra.
- Tah běnang djijěn toeladan, koedoe pisan djadi éling, noe di takdir boga anak, koedoe pisan djadi pikir, oelah kasěboět taksir, ka poetra koerang ngawoeroek, bisi kitoe těmahna, ngabinasakěn ka diri, banda béjak malah datang ka maéhan.
- Sigěg noe ka papatéñan, noe pada midangdam tjěrik, katjatoer ki Kěrtasana, djěng si Krama njoempoet boeni, loemakoe sapěpěting, koe sabab sijěn ka soesoel, ti bě--
